min xerîkî êş zamî cyayî
From the Book:
Dîwanî Mewlewî
By:
Mawlawi Tawagozi (1806-1882)
1 minutes
658 views
min xerîkî êş zamî cyayî
nîştey goşey tar mizgîy tenyayî
ga meşẍûłî zam, ga xerîkî derd
ga řefêqî xem, ga henasey serd
ga ser mekero hûn ne çemey çem
gaga mewyero sêław ne dîdem
ga zamî nasor hîcran mido çił
ga yawo we ’erş ah û nałey dił
ga nêşî dûrî midom jarî mar
ga tîrî fîraq mekerom letar
ne hawziwanê diłdarîm kero
ne hawqetarê desbarîm dero
ne ḧekîmêwen kero deway derd
ne tebîbêwen ce dił lado derd
sa îse saqî cemîn camî cem
wadey amaten we banî dîdem
dewrê der we cam badey piř ce meyl
beł derûn ce meyl bałat bibo keyl
ce masîway to farẍ bo ḧałim
beł nedom azar şûmî xeyałim
yek dił bû çenî ’eşqî dîdarit
gyan kerû fîday dîdey xumarit