گۆشەی ئاتەشخان دڵەی پڕ جە ئێش
از کتاب:
دیوانی مەولەوی
اثر:
مولوی (1806-1882)
1 دقیقه
568 مشاهده
گۆشەی ئاتەشخان دڵەی پڕ جە ئێش
پزیسکەی داخان ئایر وەردا تێش
دوودی ماردومان دوود نە فەرقم بەرد
هەوای کەڵڕەمان خۆ پاماڵم کەرد
پێچ مدەو چەنی زامانی کاری
نە پای ئامام هەن نە ڕستگاری
فەڵەک کەی بەرشوون بێخەم نە دەستت
چێشم کەرد، کەی بیم وە باوە کوشتت
ئەر چون غەمزەی دۆس پڕ جە ئێش و دەرد
چون فرسەتبازان پێش دەستییەش کەرد
ساڕێش مبۆ زام دووری تۆ کەردە
مەکەرمێ سەیران چەن وەخت ویەردە
وەر فرسەت نەدا فەڵەک وێنەی وێش
تۆ سڵامەت بی ئەر من نەبوو چێش