goşey ateşxan diłey piř ce êş
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
832 Dîtin
goşey ateşxan diłey piř ce êş
pizîskey daxan ayr werda têş
dûdî marduman dûd ne ferqim berd
heway kełřeman xo pamałim kerd
pêç midew çenî zamanî karî
ne pay amam hen ne řistigarî
fełek key berşûn bêxem ne destit
çêşim kerd, key bîm we bawe kuştit
er çun ẍemzey dos piř ce êş û derd
çun firsetbazan pêş destîyeş kerd
sařêş mibo zam dûrî to kerde
mekermê seyran çen wext wiyerde
wer firset neda fełek wêney wêş
to siłamet bî er min nebû çêş