gerd alûden dewr mezarî leylê
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1307 Dîtin
gerdi’alûden dewr mezarî leylê
awpaşî û małaş lazmen xeylê
xadmîy turbet nazk endaman
pey dîde û mujgan me’dûmîNasnava edebî aman
awpaşî, řewyey dîdey nim dîdem
małaş, wezîfey mujey nimîdem
gerdê nê we řûy yaney noşeda
ya xewşê we ḧewş ’enber boşeda
pasî nazkîy leyl yagey wêşen
cay muşahedey qeysî diłřêşen
beł bałay ałaş we sed xem û çem
baz wînûn bêxem wey çem ya ew çem
me’dûmNasnava edebî tawî yaw dûrî zor awerd
tawya û bînay qisey peşêw kerd
maxolyayî yaw îne xidêşen
werne ey xeyał perêşan çêşen
fesłî wesłî bezim xasey nedîman
xawê bî wiyerd, dîman nedîman
betałen heway dosî koç kerde
meḧałen amay ’umrî wiyerde
binîş ne gêcaw deryay bê peyda
ne goşey ḧucrey sefîney meyda
řût řût ew cîlwey sitare ker řas
ba xuda we îxlas, naxuda menas
ta badî mirad ne pêwarewe
key bidot axir ew kenarewe