ئیمشەو من گریام، خەرووس کەرد ناڵین
از کتاب:
دیوانی بێسارانی
اثر:
بیسارانی (1643-1702)
1 دقیقه
924 مشاهده
ئیمشەو من گریام، خەرووس کەرد ناڵین
سوب ئەو بێ نیشان من زوخ جە باڵین
گریەی من جە داخ دووریی کەسێ بی
ئەو جە دەرد بێ باک وەش نەفەسێ بی
نە سۆزا بە سۆز نە بە دەمەوە
ناما نەپەرساش ئەو بە خەمەوە
وێنەی بێ دەردان سەر وە خاک خەیاڵ
تا سوب من گریام نەزاناش بە حاڵ
بێ دەرد بێ دەردیش ئەو سا دیار دا
ناڵەش بێ پەروا ئاما بە شار دا