ئیمشەو دڵ جە دەرد

از کتاب:
دیوانی بێسارانی
اثر:
بیسارانی (1643-1702)
 1 دقیقه  1276 مشاهده
ئیمشەو دڵ جە دەرد ...
تا سوب سپی بی، هەر ناڵا جە دەرد
پەیوەست مەکێشاش هەناسانی سەرد
هەر سەنگ و ئاهەن، پەیش مەبی وە گەرد
واتم هەی دڵە، وەسەن وەس ناڵە
خەڵکان جە ناڵەی تۆشان شی زاڵە
واتش بێ مروەت جە مەیل سەردەنی
چەنی نەناڵوو، مەر بێ دەردەنی؟
جەی وەرتەر قیبلەم، هەر شام، هەر سەحەر
مەنماناش باڵای نەمامی نەوبەر
ئیسە لێڵاوی ئەو نەدینمەن
جەو پەی ئاهی سەرد، زاری و شینمەن
ئیسە پەی دووری قیبلەم مەناڵوو
گەردی پا و پاڵاش وە مژە ماڵوو
یە خەیلێ وەختەن لێم نادیارەن
نە شەو خاوم هەن، نە ڕۆم قەرارەن
کەسێ کە دۆستش نە پێوارش بۆ
چەنی بە شەو خاو، ڕۆ قەرارش بۆ؟
چوون بێسارانیتخلص هەر کەس بێ دڵ بۆ
چوون باخچەی بێ ئاو، دایم بێ گوڵ بۆ