îmşew dił ce derd
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1471 Dîtin
îmşew dił ce derd ...
ta sub sipî bî, her nała ce derd
peywest mekêşaş henasanî serd
her seng û ahen, peyş mebî we gerd
watim hey diłe, wesen wes nałe
xełkan ce nałey toşan şî załe
watiş bê mirwet ce meyl serdenî
çenî nenałû, mer bê derdenî?
cey werter qîblem, her şam, her seḧer
menmanaş bałay nemamî newber
îse lêławî ew nedînmen
cew pey ahî serd, zarî û şînmen
îse pey dûrî qîblem menałû
gerdî pa û pałaş we mije małû
ye xeylê wexten lêm nadyaren
ne şew xawim hen, ne řom qeraren
kesê ke dostiş ne pêwarş bo
çenî be şew xaw, řo qerarş bo?
çûn bêsaranîNasnava edebî her kes bê dił bo
çûn baxçey bê aw, daym bê guł bo