بەم نەحوەیە سەرفی عیشقبازی
از کتاب:
دیوانی حاجی قادری کۆیی
اثر:
حاجی قادر کویی (1816-1897)
1 دقیقه
862 مشاهده
بەم نەحوەیە سەرفی عیشقبازی
موستەقبەلی کەمترە لە مازی
یەعنی لەمەدا کە بیکوژە زوو
بێ فەرقە حەقیقەت و مەجازی
ئەم شیعرە زەریفە خەتتی چاکە
نووسیومەتەوە لەڕووی بەیازی
کەششافی ڕمووزی ئایەتی تۆ
تەفسیری کەبیری فەخری ڕازی
بۆ قەددی زراوی بێژراوە!
نێزە و عەلەم و مەسافە غازی
نەیداوەتە من خودا بە مفتی
بەم مەشرەبە خۆت مەکە بە قازی
ئەم قافییە شایەگانە ئەمما
عەیبی نییە جاهیلێ بە ڕازی
ئەو ڕزقی موقەڕەڕە بە خۆی دێ
سەد دەفعە بخوازی یا نەخوازی
قیرتاسی و شەهڕەوایە حاجیتخلص
نەقدینەیی تۆ، بە چی دەنازی!