ئەو فەلەک ڕیفعەتە هەر لەحزە نیقابێکی هەیە
از کتاب:
دیوانی حاجی قادری کۆیی
اثر:
حاجی قادر کویی (1816-1897)
1 دقیقه
671 مشاهده
ئەو فەلەک ڕیفعەتە هەر لەحزە نیقابێکی هەیە
کێ دەزانێ وەکوو من خانەخەرابێکی هەیە
ڕاستە دڵ خەستە و بێچارە وەکوو نەرگسی تۆ
نەرگسی مەستی ئەتۆ بەس نییە خوابێکی هەیە
شەمعی من سەرزەنشی قەت مەکە پەروانە ئەگەر
ئێستە خامۆشە، شەو ئەلبەتتە جەوابێکی هەیە
شێعرەکانم کە غەریبی وەتەن و نەوسەفەرن
وەرە بیخوێنەوە ئەم نوقتە سەوابێکی هەیە
قەدری حاجیتخلص بگرن مەقسەدی هەر دیدەنییە
وەرنە هەرچی بگری نانەک و ئابێکی هەیە!