بای وەعدە بەفری بردەوە یەخبەندی کردەوە
از کتاب:
دیوانی حاجی قادری کۆیی
اثر:
حاجی قادر کویی (1816-1897)
1 دقیقه
1150 مشاهده
بای وەعدە بەفری بردەوە، یەخبەندی کردەوە
گوڵ شەمعی پێ کرا، شەرەری جەمرە مردەوە
ئەسپی ڕەش و سپی بە گرەو غار دەدەن بە تاو
وەک ڕۆژ و شەو، دیارە لە شەو ڕۆژ دەباتەوە
بولبول دەخوێنێ، با لە دەفی بەرگی گوڵ دەدا
خونچە لە باتی گوێ بگرێ، دەم دەکاتەوە
نێرگس لە مێرغوزار دەزانی بە چی دەچێ
بنواڕە ئاسمان لە شەوا عەینەهوو ئەوە
تامی نەماوە قیسسە و فورسەت غەنیمەتە،
مەعلوومی خاس و عامە هەچی چوو نەهاتەوە
میسلی شەراری کاغەزە سووتاوە عومرمان
ڕۆمی کە دەفع بوو گرێی دڵ دەفع دەبێتەوە
لەم وەقتە هەر کەسێ وەکوو حاجیتخلص لە گوڵشەنا
دەستەگوڵی بە دەستەوەیە دەستی بردەوە