هەموو ئاواتی دڵ وا بێ ئەسەر ما
از کتاب:
هەوارگەی دڵان
اثر:
سید طاهر هاشمی (1915-1991)
1 دقیقه
937 مشاهده
هەموو ئاواتی دڵ وا بێ ئەسەر ما
درەختی ئارەزووەکەم بێ سەمەر ما
خەیاڵم کەوتە دووی عەنقای ویسالت
ئەویش وەک من هەژار و دەربەدەر ما
بەجێ هات سەبری ئەییوبیم بە دوو قات
بەڵام دەردی دڵ و ژاراوی هەر ما
لە هیجرا وا گەیی عومرم بە ئاخر
لە کوێ وەک من کەسێ وا دەستەسەر ما
زەمانە مووی سپی کردم بەبێ جێ
لە حاڵم ڕووی سیا بێ بێ خەبەر ما
دەمەی ئاهم چلۆن ڕێگەی دەگیرێ
کە وەک ئەشکم ڕەوان و ڕێ لەبەرما
گرفتارم بە داوی بێوەفایی
کە خوێن و دین و ئیمانم هەدەر ما
دەبا ڕەنجم بە با بێ میسلی فەرهاد
بە شیرینی نیگارم وا سەمەر ما