بە عیشوە دڵبەری و دڵداری هێشتا
از کتاب:
هەوارگەی دڵان
اثر:
سید طاهر هاشمی (1915-1991)
1 دقیقه
990 مشاهده
بە عیشوە دڵبەری و دڵداری هێشتا
بە غەمزە خوێنخوەر و جەبباری هێشتا
بە ڕەوتی ئاهووانە و غونجی تاووس
نیگارین یارەکەی پێراری هێشتا
ئەگەرچی بێ دڵ و دینم لە داخت
لە دڵدا حاکمی زۆرداری هێشتا
بەڵێ تەرکی وەفا ڕەسمی قەدیمە
نەبوویتە غەیری من هەر یاری هێشتا
بە لێوان ڕووحبەخشی وەک مەسیحا
بە چاوان نێرگسی بیماری هێشتا
بە نافەی زوڵفی پڕ چین و موسەلسەل
کەسادی تەببەتاعلام و تاتاراعلامی هێشتا
ئەمن سەرمایەکەم بەربادە و ئاخۆ
لەبەر من عاجز و غەمخواری هێشتا؟
بەڵێ گەرچی خەتا ڕۆییت بە یاری
لە پێش چاوم نکووکرداری هێشتا
ئەگەرچی بۆ ڕەقیب وەک گوڵ دەپشکووی
لەلای من نەوگوڵی بێخاری هێشتا
نەڵێی تاهیرتخلص لە ڕەفتارم بووە زیز
لەتیف و شۆخ و خۆش ڕەفتاری هێشتا