وەکوو فەووارە خوێن دەقوڵێ دەمی ئاهم لە حولقووما
از کتاب:
دیوانی سالم
اثر:
سالم (1800-1866)
1 دقیقه
885 مشاهده
وەکوو فەووارە خوێن دەقوڵێ دەمی ئاهم لە حولقووما
بە دڵ پەیوەستە تا سۆراخی پەیکانت لە پەهلووما
مەگەر وەختێ لە سەیری خاڵی چیهرەت دیدە فاریغ بێ
سیاهی مەردومەک بتکێ لەگەڵ ئەشکم بەسەر ڕووما
لە هیجریشا موسیبەت نایەڵێ سەر هەڵبڕم یەکدەم
لە خوێنی ئەشکما چەسپاوە پێشانی بە زانووما
لەسەر ڕوو لادە تاری توڕڕەیی موشکینی تاتارت
حەبەش دەستی تەتاوەل ڕانەکێشێ، با بەسەر ڕووما
ئەگەر چی کارییە دەردم وەلێ نەزدیکە تەسکینم
بپڕژێنێ حەکیم ئەر ئارەقی چیهرەت بە داڕووما
بە مەششاتەی دەوت دڵبەر دڵی سالمتخلص مەڕەنجێنە
لەناو جەمعی پەرێشانا لە حەلقەی چینی گێسووما