وەکوو فەووارە خوێن دەقوڵێ دەمی ئاهم لە حولقووما
لە کتێبی:
دیوانی سالم
بەرهەمی:
سالم (1800-1866)
1 خولەک
883 بینین
وەکوو فەووارە خوێن دەقوڵێ دەمی ئاهم لە حولقووما
بە دڵ پەیوەستە تا سۆراخی پەیکانت لە پەهلووما
مەگەر وەختێ لە سەیری خاڵی چیهرەت دیدە فاریغ بێ
سیاهی مەردومەک بتکێ لەگەڵ ئەشکم بەسەر ڕووما
لە هیجریشا موسیبەت نایەڵێ سەر هەڵبڕم یەکدەم
لە خوێنی ئەشکما چەسپاوە پێشانی بە زانووما
لەسەر ڕوو لادە تاری توڕڕەیی موشکینی تاتارت
حەبەش دەستی تەتاوەل ڕانەکێشێ، با بەسەر ڕووما
ئەگەر چی کارییە دەردم وەلێ نەزدیکە تەسکینم
بپڕژێنێ حەکیم ئەر ئارەقی چیهرەت بە داڕووما
بە مەششاتەی دەوت دڵبەر دڵی سالمناسناوی ئەدەبی مەڕەنجێنە
لەناو جەمعی پەرێشانا لە حەلقەی چینی گێسووما