شەتی ئەشکم دەبێ هەر بێ بە ڕووما
لە کتێبی:
دیوانی سالم
بەرهەمی:
سالم (1800-1866)
1 خولەک
1113 بینین
شەتی ئەشکم دەبێ هەر بێ بە ڕووما
هەتا بێ بەحری (ئاقدانیز) بە (ڕووم)ا
دەزانی چۆنە ئەحواڵم لە هیجرت
وەکوو تیشنەم لەناو بەحری زەقووما
لە پیریشا عەرووسی یادی وەسڵت
بروون نایێ لە خانەی ئارەزووما
دەمی وەسفی دەمی تیغت دەلەرزێ
ڕەگی گەردن بەسەر تەختەی گەلووما
بە سیحری غەمزە مەغڵووبم ئەگەرچی
ئەرەستوو بم لە ئیدراکی علووما
لە کوورەی دڵ بروون دێ ئاهی سەردم
عەجەب یەخ بێ لەناو چاهی سمووما
تەجاوز کەی دەکا سالمناسناوی ئەدەبی لە ئەمرت
کەسێ نەیدیوە ڕووسەختی لە مووما