مەفەرموو پیرە عومری سەد ساڵە

از کتاب:
دیوانی ویساڵی
اثر:
وصالی (1902-1973)
 1 دقیقه  589 مشاهده
مەفەرموو پیرە عومری سەد ساڵە
لە تەبیعەتا هەر چواردە ساڵە
با هەموو عالەم بڵێن زۆر پیرە
ئەوە تێناگەن هێشتا مناڵە
چونکە زاهیرەن کاڵ دەس ناکەوێت
بەهی کوڵیویش هەر ئەلێم کاڵە
لە بەدەس کورتی پیرم لا جوانە
بێ ماڵ کچی جوان خەیلێ مەحاڵە
بە بێ دەسمایە کە چوویتە بازار
سەد سەودا بکەی هەمووی بەتاڵە
وەختی بە گەڕان هیچت دەس نەکەوت
موحتاج ئەبیوە بەو پیرەزاڵە
بەڵێ زۆر خۆشە ئەگەر دەس بدەن
ئەو چاوە کاڵ و ئەو لێوە ئاڵە
هونەر هیچ نییە، سەروەت حەسابە
چونکە عیززەتی دنیا بە ماڵە
چاو بقووچێنە و ڕازی بە بە پیر
کچ بۆ تۆ نابێ خاڵە، خەیاڵە
زەمانە نەیهێشت بگەین بە مەقسوود
زوو خستنیە ناو ئەم کێو و چاڵە
فەورەن پێستیان لەبەر داڕنی
هەتا خوێنیەوە ڕێوی قەباڵە
الحكم للهعربی، ڕازیم بە قەزا
مناڵ دوام کەوتوون بە خاڵە خاڵە
خودا کە نەیدا شەرابی شیرین
بەم ئاوە ڕازیم هەرچەند کە تاڵە
ویساڵیتخلص مەدوێ ئێتر لە بنکڕ
بۆ تۆ ناخورێ ددانت ئاڵە
کە نەیبوو گوڵی گوڵاو ویساڵیتخلص
مەجبوور ڕازییە بە گوڵی ژاڵە