براگەل مژدە بێ لێتان لەلاتان
از کتاب:
دیوانی ویساڵی
اثر:
وصالی (1902-1973)
1 دقیقه
517 مشاهده
براگەل مژدە بێ لێتان لەلاتان
ئەوا ڕۆیی ڕەفیقی بێ هەواتان
بەکول بگرین لەدوا ئەو یارە تەحقیق
نییە وەک ئەو لە دنیا جانفیداتان
کە گوڵشەن خاڵیە ئیمڕۆ لە غونچە
ئەبێ چ بکا هوزاری بێنەواتان
بە بولبول گەرم ئەبێ بازاری غونچە
لەلا ئەم هەر گوڵە خاری جەفاتان
ئێتر هەر ئێوە بن، با ئێمە دەرچین
بەبێ ئێمە نەبێ نەقس و نیماتان
بە فەوتی ئێمە یا خوا ئێوە دوور بن
لە دەرد و غەم لەژێر سایەی هوماتان
عەزیزم ماچی لێوت دەفعی دەردە
لە عاشق قەت مەکەن مەنعی دەواتان
بە ناحەق حەق نییە ڕوو وەردەگێڕن
بە ناحەق مەمکوژن ئێوە و خوداتان
ویساڵیتخلص لێرە دەرکەن با نەمێنێ
ئەگونجێ بەو ببێ دەفعی بەڵاتان