دڵ لە حەسرەت چاوی نازارە کە وا زاری دەکا
از کتاب:
دیوانی ویساڵی
اثر:
وصالی (1902-1973)
2 دقیقه
1029 مشاهده
دڵ لە حەسرەت چاوی نازارە کە وا زاری دەکا
هەر وەکوو سەیدەر ڕەقیبیش دێ برینداری دەکا
نەوعی ئاهووی سر کە ئەسڵەن دەفعەیە بۆم ناگیرێ
وەک غەزالەی بەڕ لە دەشتی غەفڵەتا یاری دەکا
مەودەتێکە ون بووە لێم قەلبەکەی غەمدیدەکەم
تازە بیستوومە لە باغا کەسبی عەتتاری دەکا
وا بە سەهلی تێمەگەن دەردی گرانە عاشقی
هەر کەسێ بێ تالیبی بێ، زوو گرفتاری دەکا
دڵ وەها تالیب بە قەترەی نێو دەهانی دولبەرە
نەوعی بولبول تا سەحەر بۆ غونچە گوڵ زاری دەکا
گەر ببەخشێ شوعلەیێ بۆ دڵ بە چاوی مەرحەمەت
ساعەتەن پەروانەئاسا خۆی فیداکاری دەکا
دڵ کە میحنەتکێشە قوربان وا فەقیر و سابیرە
ئەییوب ئاسا حەمد و شوکری حەزرەتی باری دەکا
ئاگری هیجرانی دولبەر سینەیی کون کردووم
بەرقی حیرمان خوێن لە چاوی عاشقان جاری دەکا
ئێستە گەر مەهجوورە لە من غەمزەدە یاری عەزیز
با عیشی بەدکار ببینێ ئەو کە بەدکاری دەکا
هەر کەسێ بەدکاری ئیشە یا خودا کوێر بێ و زەلیل
هەر وەک سەگ عاشقی شەیدا لە دڵدار دەکا
ئەی موسڵمانان ویساڵیتخلص شێت بووە بۆ لەعلی یار
هەر وەکوو مەجنوون لە کێوان مەشقی ئازاری دەکا