قەومینە وەرن لازمە ئەوڕۆ کە عەیانە
از کتاب:
دیوانی ناری
اثر:
ناری (1874-1943)
2 دقیقه
600 مشاهده
قەومینە وەرن، لازمە ئەوڕۆ کە عەیانە
دیققەت لە ئەساسی هونەری ئەهلی زەمانە
هەر نوکتە لە بۆ ئێوە، کەوا بێتە بەیانۆ
شەرحێکی لەتیفە، بە پڕ و پووچی مەزانە
ئەسنافی بەنی نەوعی بەشەر سەیری لە هەر لا
ئاساری زەکا و عەمەل و عیلمی بەیانە
سینفێکی بە تەییارەوە مەربووتە خەیاڵی
دایم لە هەوار و لە فەلەک کەسبی گەڕانە!
سینفێکی بە تەل مایلە، سینفێ بە مەعادین
سینفێکی لە بۆ تۆپ و تفەنگ فیکری ڕەوانە
ئەم نوکتەیە سەربەستە نەبێ چاکە بە کوردی
هەر کوردە کە وا غافڵ و بێ --متن نامشخص نەزانە
هەر کوردە لە هەر دەوڵەت و هەر بەگلگ و هەرجێ
پەیوەستە بەبێ ----متن نامشخص ویردی زەمانە
هەر یەک بە سەر و سوورەت و هەیئەت وەکوو شێرە
ئەمما لە هونەر خاڵی و لایەق بە نەمانە!
یا مەدح و سەنای پینەچی و دۆم و خەڕاتە!
یا باسی گەز و شایەن و تەعریفی قەپانە
یا سرتە لە سمت و کەفەلی لووسی هەتیوە!
یا بەحسی خەت و خاڵ و سەر و زوڵفی ژنانە!
ئیسمێ کە نەبێ جیسمی بە زەرفی دوڕ و دانە!
وەک سواڵەت و وەک کاشییە کۆنی هەمەدانە
قەومینە بەسە غەفڵەت و بەدبەختی هەتا کەی؟
زۆر حەیفە لەگەڵ قەسری ئیرەم بەحسی کولانە!
بێدار و تەلەب کاری جیهان پاکی ئەزانێ!
سوعبەت نییە دڵسۆزییە ئەم مەوعیزەمانە