هەتا ڕوئیەت نەکەم شێوەی هیلالی فەوجی دەربانت
از کتاب:
دیوانی ناری
اثر:
ناری (1874-1943)
1 دقیقه
779 مشاهده
هەتا ڕوئیەت نەکەم شێوەی هیلالی فەوجی دەربانت
ئەمن دوورم لە ئیفتاری سرووری جەژنی قوربانت
بەسەر سەرما فەلەک هەوری غەمی بەو تەرزە کێشاوە
نەماوە بینشی بەدری ڕوخی ڕەخشانی تابانت
لە عەرسەی زیللەتا نابێ نەجاتی دڵ لە دەس غەم بێ
بەبێ ئیمدادی جەولانی، خەمی چالاکی چەوگانت
موقیمی ئاستانی ڕەفعەتم وەک جەم ئەگەر یەک دەم
ببینم سوورەتی عەکست لە سەفحەی جامی ئەیوانت
بە میقرازی تەبیعەت بیبڕم، وا چاکە بیدۆزم
بە ماکینەی سەناخوانی، غەزەل بۆ فەرشی هەیوانت
لە شاری سینە دڵ دارالأمانعربیە بۆ غەمی هیجرەت
بە حیکمەت دارالإحسانعربیە، ئەساسی بيتُ الأحزانعربیت
گریبانی سەبووریم چاکە وەک بولبول لە شەوقی گوڵ
نموونەی چاکە ئەم چاکە، بە یادی چاکی دامانت
بلووکی خاکی ئێرانی خەیاڵاتم پەرێشانە
بە سەبکی نەزمی مەشرووتەی ڕەهەندەی دەردی هیجرانت
دڵی ناریتخلص بەسانی غونچە تەنگە گەر نەکا یاری
نەسیمی دڵ نەوازی غەم، گودازی بادی دامانت