دنیا نە گێجاو تاریکە شەو بی
از کتاب:
دیوانی مەولەوی
اثر:
مولوی (1806-1882)
1 دقیقه
1128 مشاهده
دنیا نە گێجاو تاریکە شەو بی
جەلاو ڕۆشنیش جە لا چون خەو بی
ناگا شۆڵەی خۆر سوب فەردا، فەڕ دا
وە سەر بەرزی هەرد وە دەشت و دەردا
تەک دا تاریکی ئەو لای تەریکی
ئاڵەم چەنی نوور کەرد هامشەریکی
دنیایێ مەویەرد وە عەیشی شیرین
ساحیب دین دیدەش بی وە ساحیب دین
ئەو شۆڵە دیسان مەیل ئاوەردەوە
ئەو لای پەردەوە تەشریف بەردەوە
دڵ پەی تەئریخ وات وە دەم دەردەوە:
ئەی وای وەی دنیاش تاریک کەردەوە