dinya ne gêcaw tarîke şew bî
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
786 Dîtin
dinya ne gêcaw tarîke şew bî
celaw řoşnîş ce la çun xew bî
naga şołey xor sub ferda, feř da
we ser berzî herd we deşt û derda
tek da tarîkî ew lay terîkî
ałem çenî nûr kerd hamşerîkî
dinyayê mewyerd we ’eyşî şîrîn
saḧîb dîn dîdeş bî we saḧîb dîn
ew şołe dîsan meyl awerdewe
ew lay perdewe teşrîf berdewe
dił pey te’rîx wat we dem derdewe:
ey way wey dinyaş tarîk kerdewe