دیدەم نەو نەمام نەوتووڵی ساوا
از کتاب:
دیوانی مەولەوی
اثر:
مولوی (1806-1882)
1 دقیقه
715 مشاهده
دیدەم نەو نەمام نەوتووڵی ساوا
نامەت پەی خەرجی وە لا من یاوا
ئەمرت دڵگیرەن، فەرموودەت خاسەن
بێشک ماهەنی ماهانەت ڕاسەن
بەڵام جە دووریت هۆشم ڕەم کەردەن
ئاگاهیم نییەن چەن ڕۆ ویەردەن
هەر ئێد مزانوون ئازیز گیانی تۆ
نەدیەنم وە چەم هەڵای ماهی نۆ
شیرین ڕایەتم، خاسەی سەر کارم
بێوادە زوڵمەن بدەی ئازارم
هەرگا دیم هیلال ئەو ئەبرۆی سێوەنگ
یە سیمی ئەسرین، یە ئەشرەفی ڕەنگ