عەزرەت
از کتاب:
زڕەی زنجیری وشە دیلەکان
اثر:
جلال ملکشا (1952-2020)
1 دقیقه
701 مشاهده
ئەوەندە ژین سامناک و تفت و تاڵە
ئەوەندە ڕێم سەخت و پڕ دڕک و داڵە
ئەوندە دڵ، کەوتۆتە بەر پەلامار
گیانم پڕە لە زەخم و ئێش و ئازار
هێندە هیوا و ئاواتم هەڵپڕووکا
پشتم لە ژێر باری خەما پڕووکا
هێندە خۆزگە و تاسە و حەزم ناشتووە
هەمووم بە خوێن، بە فرمێسکم شوشتووە
ئەوەندەیان خەنجەر لە گیانم چەقان
زووخی هەزار بلۆقی خەمیان تەقان
هێندە داخی خەمیان چزان بە جەرگا
(لە عەزرەتا باوەش ئەکەم بە مەرگا)