سووتمان

خۆشم ناوێی
هەستە بڕۆ
ئەمڕۆ کاتێ بێ چاویلکەی خۆشەویستی ڕوانیمە تۆ
دیتم باڵات وەکوو جاران بەرز نەبوو
باڵای تۆم کرد بە جگەرە
نێوی خۆتم لەسەر نووسی
ئاگرم دا بێ سێ و دوو
چاوە گەورەکانتم
کردە ژێرسیگار و
پڕم کرد لە شقارتە و فلتەر و سووتوو
خۆشم ناوێی
من پلاکی ئەوینی تۆم لە ماڵی دڵم کردەوە
بە یەکجاری سووتاندم و تۆڵەی دڵی سووتاوی خۆمم کردەوە
ئەگەر تۆ دڵی خۆت کردۆتە ئاوێنەی کەسێکی تر
منیش دڵی خۆم دەکەمە قابی وێنەی کەسێکی تر