دەنگی چۆم
از کتاب:
کەژاوەی دڵ
اثر:
ناصر آقابرا (1968-2020)
1 دقیقه
402 مشاهده
دەنگی چۆمە دەنگی چۆمی دێتە گوێم
خۆ لەوانە چۆم نییە ئەی من لە کوێم
دەنگێ چۆمەکییە چۆمی لێڵ دەکا
بۆ دزینی ماسیەکەی من فێڵ دەکا
من لە چۆمی ماسییەکم شک دەبرد
گەوهەری عیشقم لە دڵ پەروەردە کرد
ماسییەک بوو شۆخ و نازدار و نەجیب
کەوتە تۆڕی نابەکار و نانەجیب
دەنگی چۆمی دەنگی ماسیەکەی منە
دەنگەکەی هەر ماوە گەرچی لێم ونە
بۆیە گەر گوێ شل دەکەم بۆ دەنگی چۆم
دێتە خوارێ چۆمەکەی ئەسرینی خۆم
خەڵکی ئەو دم چۆمە ماسیم نادەنێ
یاوەرانی هاووڵاتی بمگەنێ
خەڵکی ئەو دم چۆمە زوڵمم لێ دەکەن
یاوەرانی ئەنجوومەن چم لێ دەکەن
سەروەسیتم بن ئەگەر هاتوو نەمام
هەر لەدم چۆمیم بنێژن وەک نەمام
تا ئەگەر ڕێی کەوتە دەم چۆمی گوڵم
پێ بزانێ کوێیە شۆنی مەنزڵم
تاکوو بمبینێت و بیبیسێ بە گوێی
گەر نەیاندامێ، منیش مردم لە سوێی