هاژەی جەغەتوو
از کتاب:
کەژاوەی دڵ
اثر:
ناصر آقابرا (1968-2020)
1 دقیقه
558 مشاهده
جەغەتوو خوێنی دڵی کۆساران
جەغەتوو ساقی گوڵ و گوڵزاران
جەغەتوو کانی دوڕ و مرواری
جەغەتوو شوێنی دڵ و دڵداری
جەغەتوو ئەشکی ڕنووی کوێستانان
جەغەتوو شەربەتی دارستانان
جەغەتوو شاهیدی سرتەی ژوانان
جەغەتوو کۆنە هەواری جوانان
جەغەتوو قاسیدەکەی دڵداران
ئەرێ هەر ماوە دەراوی جاران
ئەو گوڵانەی کە ئیلاهەی نازن
دێن و لێت تەڕ دەکەن دەست و بازن
وەرە بۆ خاتر خوڕەی سخرچاوە
قاشە ماسی کە منت پێ ماوە
گوڵەکەی خۆم دێتە ئەم دەم ئاوە؟
بڕەوێنێ خەوی ئەم دوو چاوە
جەغەتوو لایەقی چۆک دادانی
جێی نەجیبان و نەجیبزادانی
من لەدووی ماسییەکەی خۆم وێڵم
وەکوو تۆ گەهـ ڕوونم و گەهـ لێڵم