در بحث عالم ارواح و سوال و جواب حق سبحانه و تعالی با ایشان گوید
از کتاب:
روضة الصفا
اثر:
میرزا عبدالقادر پاوه‌ای (1850-1910)
2 دقیقه
463 مشاهده
دارای جەهاندار سەتتار مەعبوود
خالق مەخلووق «واجب الوجودعربی»
مەیل کەرد بسازۆ دنیای پەڕ مەلاڵ
ئەوەڵ چوون عەرووس، ئاخر پیرەزاڵ
نە چەرخ چەهاروم واقعەن یەک دەشت
تەمام موفەڕەح جە قاپی بەهەشت
وە قەوڵ ڕاوی یەک پارچە لاڵەن
ڕای عەرز و توولش سێ هەزار ساڵەن
ڕۆح مەخلووقات ئێنس و جان یەکسەر
وە ئەمر بێ چوون دەهندەی داوەر
ئەرواح جان و ئەولاد ئادەم
جە ئەوەڵ قەدەم تا «يوم العدمعربی»
نەو جا نە حزوور جەما جەم جەم وەرد
وە یەد قودرەت یەکسەر زێندە کەرد
وێنەی موریچە زەعیف و بێ زۆر
جوڵیان کەم کەم، نمانان جۆر جۆر
حەق پەرسا لێشان جە ڕووی ئێلتێفات
جەو دەم «أَلَسْتُ بِرَبِّكُمْعربی» وات
یانی ئایا من مەعبوود ئێوەم
هەر چەند بێ جسم و بێ شبهە و شێوەم
جوملەی ئەرواح بین، دوو فێرقە جەو دەم
بەعزێ وات «بلی» بەعزێ وات «نعَمعربی»
مەوقووف کەرد مەتڵەب یانی های «الَخعربی»
«بليعربی» پەی بەهەشت، «نعمعربی» پەی دووزەخ
هەر ئەو ڕۆ واحێد تاک تەنیای فەرد
موئمن و کافەر جە هەم جیا کەرد
دەرسات دوو مەنزڵ شەهنشای فەتتاح
قەرار دا جە غەیب پەی جەمع ئەرواح
یەکێ «علیین» قەریب وە ڕێزوان
یەکێ «سجین» وە دووزەخ عەیان
دوو فێرقە ئەرواح شاد و پەرێشان
تا شین وە ماوای مەنزڵگەی وێشان
نەو جا ساکن بان تا چەند هەزار ساڵ
تاکە بزانین زات بێ زەواڵ
تەقدیرش چێشەن مەیلش کام نەردەن
ئێرادەی سازنای کام سەنعەت کەردەن