dir biḧis ’alim arwaḧ û swal û cwab ḧiq sibḧanh û ti’alî ba ayşan gwîd
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
488 views
daray cehandar settar me’bûd
xalq mexlûq «wacb alucudArabic»
meyl kerd bisazo dinyay peř melał
eweł çûn ’erûs, axir pîrezał
ne çerx çeharum waq’en yek deşt
temam mufeřeḧ ce qapî beheşt
we qewł řawî yek parçe lałen
řay ’erz û tûlş sê hezar sałen
řoḧ mexlûqat êns û can yekser
we emir bê çûn dehnidey dawer
erwaḧ can û ewlad adem
ce eweł qedem ta «yum ali’dimArabic»
new ca ne ḧizûr cema cem cem werd
we yed qudret yekser zênde kerd
wêney murîçe ze’îf û bê zor
cułyan kem kem, nimanan cor cor
ḧeq persa lêşan ce řûy êltêfat
cew dem «ئەەلەسْtu bîrebّyikumْArabic» wat
yanî aya min me’bûd êwem
her çend bê cisim û bê şibhe û şêwem
cumley erwaḧ bîn, dû fêrqe cew dem
be’zê wat «bilî» be’zê wat «ni’emArabic»
mewqûf kerd metłeb yanî hay «alexArabic»
«bilîArabic» pey beheşt, «ni’imArabic» pey dûzex
her ew řo waḧêd tak tenyay ferd
mu’min û kafer ce hem cya kerd
dersat dû menził şehnişay fettaḧ
qerar da ce ẍeyb pey cem’ erwaḧ
yekê «’ilîyn» qerîb we řêzwan
yekê «sicîn» we dûzex ’eyan
dû fêrqe erwaḧ şad û perêşan
ta şîn we maway menziłgey wêşan
new ca sakin ban ta çend hezar sał
take bizanîn zat bê zewał
teqdîrş çêşen meyliş kam nerden
êradey saznay kam sen’et kerden