جواب نامه‌ی شریف فرنگیس نوشته
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
422 مشاهده
شەریف پێم یاوا .. شەریف پێم یاوا ..
نامەی تۆبەی عەهد شەریف پێم یاوا
زەمزەمەی شەوقم دەروون شکاوا
کولاهـ فەخرم سەر نە ئەوج ساوا
خاس خەیاڵێوەن بە دڵ بەردەنی
تەدبیر نەجات پەی وێت کەردەنی
یەقینەن هەر کەس ڕای حەق کۆ تەسدیق
شەهەنشای کەونەین پێش مەدۆ تەوفیق
حەدیسەن جە لەب نەبی بێ سەهوو
«من تاب ذنبا، لا ذنب لهعربی»
بەڵێ هەی عەزیز ئەسڵش هەر ئێدەن
هەر کەس بە ڕەحمەت خوداش ئومێدەن
شەرتەن پەرێ ڕوشد هەر تەقوا و تاعەت
جە سالیک ڕاهـ بگێری بەیعەت
جە شاهـ ڕوسول حەدیس بەیانەن
هەر کەس بێ شێخ بۆ شێخش شەیتانەن
مەبۆ شەرایت شەرع موحەممەد
بە قەول و بە فیعل بکۆ موجەددەد
ئەمرش بە مەعرووف، نەهیش جە مونکەر
ئازادەن ئەوسا جە «يوم المحشرعربی»
نە سەوم و سەلات زەکات و فیترە
زینهارەن ئازیز وێت نەدەی تەفرە
ڕەسم تەوەککول هەم باوەر بە جا
تەغافول نەبی جە خۆف و ڕەجا
نە هوجووم فەقر و عیللەت شاکیر بۆ
قەلبت بە ئەسمای زات زاکیر بۆ
جە فەرز و سوننەت ئەر نەبیت کاهیل
سەبت مەبی جە سینف موئمین کامیل
تەرک قەتڵ و فیسق، نەمیمە و توهمەت
هەم جە کیبر و کیزب هەم ڕیا و غەیبەت
بە تەزکیەی نەفس وێت کەر سەرفەراز
بەتاڵ کەر نە دڵ عەقیدەی مەجاز
نە حوجرەی خەڵوەت قەناعەت گێری
تەقوای شەو نە وەقت سولسی ئەخیری
هەر گا بە مەردی ئێدت کەرد ئەدا
هەنی چ حاجەت دووری جە دنیا
ئەوسا پڕ مەبۆ قەلبت جە ئەنوار
دنیا و «ما فيهاعربی» لێت مەبۆ ئیزهار
بە قووەی تەوحید قەلبت مەبۆ ساف
مەنمانۆ نە عەین جە قاف تا بە قاف
هەنی گێڵای چین ڕەی و ڕووس و ڕۆم
موژدە بۆ بە تۆ نەدارۆ لزووم
«فەقێتخلص» ها ئوسووڵ ڕای شەرع شەریف
پەی هامفەرد وێش وەی تەور کەرد تەعریف