cwab namey şirîf firingîs nuştih
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
390 Dîtin
şerîf pêm yawa .. şerîf pêm yawa ..
namey tobey ’ehd şerîf pêm yawa
zemzemey şewqim derûn şikawa
kulah fexirim ser ne ewc sawa
xas xeyałêwen be dił berdenî
tedbîr necat pey wêt kerdenî
yeqînen her kes řay ḧeq ko tesdîq
şehenşay kewneyn pêş medo tewfîq
ḧedîsen ce leb nebî bê sehû
«min tab zinba, la zinb lihErebî»
bełê hey ’ezîz esiłş her êden
her kes be řeḧmet xudaş umêden
şerten perê řuşd her teqwa û ta’et
ce salîk řah bigêrî bey’et
ce şah řusul ḧedîs beyanen
her kes bê şêx bo şêxiş şeytanen
mebo şerayt şer’ muḧemmed
be qewl û be fî’il biko mucedded
emirş be me’rûf, nehîş ce munker
azaden ewsa ce «yum alimḧişirErebî»
ne sewm û selat zekat û fître
zînharen azîz wêt nedey tefre
řesim tewekkul hem bawer be ca
teẍaful nebî ce xof û řeca
ne hucûm feqir û ’îllet şakîr bo
qelbit be esmay zat zakîr bo
ce ferz û sunnet er nebît kahîl
sebit mebî ce sînf mu’mîn kamîl
terk qetił û fîsq, nemîme û tuhmet
hem ce kîbir û kîzb hem řya û ẍeybet
be tezkyey nefis wêt ker serferaz
betał ker ne dił ’eqîdey mecaz
ne ḧucrey xełwet qena’et gêrî
teqway şew ne weqit sulsî exîrî
her ga be merdî êdit kerd eda
henî çi ḧacet dûrî ce dinya
ewsa piř mebo qelbit ce enwar
dinya û «ma fîhaErebî» lêt mebo îzhar
be quwey tewḧîd qelbit mebo saf
menmano ne ’eyn ce qaf ta be qaf
henî gêłay çîn řey û řûs û řom
mujde bo be to nedaro lizûm
«feqêNasnava edebî» ha usûł řay şer’ şerîf
pey hamferd wêş wey tewr kerd te’rîf