«سبزه‌ای اسمری» در حبسخانه‌ی کرکوک
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
447 مشاهده
سەبزەی ئەسمەری .. سەبزەی ئەسمەری ..
دەلیلەی سەرڕەم، سەبزەی ئەسمەری ..
کڵاوچەی فەرقت زەڕبافت زەڕی
کەچ کەردەن چون تاج جقەی قەیسەری
زنجیرەی کڵاف میشکین عەنبەری
سەردا نە سەدری سینەی مەڕمەڕی
چەتر پای چینش پەرچەم چەمبەری
سەفدان دائیرەی قورس قەمەری
جەبین جام بەزم جەمشید گوستەری
پڕتەو بەخش نوور ئەعمای بەسەری
سەیفەین ئەبرۆش سیا جەوهەری
بوڕڕاتەر نە سەیف بازووی حەیدەری
نە بیم مەودای موژەی نەشتەری
نە «لامساس»ەن دڵ چون «سامری»
عەین غەزالەی بەڕ، گۆنا مەجمەری
سەد قەیس چون سەنعان نە دین کەرد بەری
بینی جەدوەل کێش مانی و ئازەری
نەفەس نەسیمەی سەبا و سەحەری
فەم غونچەی نەوڕەس، لەبان ئەحمەری
دەم تەنگ و، دەنگ نەرم، ڕازان شەکەری
زنج تەرغیب تەرز تەڵای ئەسفەری
زاهیدان بە نوور زوهرە موشتەری
باهووان بلوور قامەت عەرعەری
مەم لەعل نگین، شای ئەسکەندەری
گەردەن میل یەخ بەستەی کەمەری
زەنەخ عەترئامێز بادەی کەوسەری
ناف غونچەی نەرگس، خاڵ نیلۆفەڕی
سوورێن نوقرەی خام، میان لاغیری
گەنج سەر بە موهر، جە سیمین بەری
بەری نە ئەفکار هەر دانشوەری
ڕیجلەین سیم ساف ڕشتەی ئەنوەری
لەنجەش مەر وەڵەد نام کەبک دەری
خەرامان خەرام قەد سنەوبەری
گوڵشاهـ نەزاکەت، هومەیلای پەری
ئاشووبەی، فیتنەی، شێوەی دڵبەری
سەردان شایعەش نە هەر کیشوەری
«فەقێتخلص» دڵ نە بیم گێسووی ئەژدەری
هەر ڕۆ مەنۆشۆ سزای سەقەری