«سبزەای asmirî» dir ḧibsixaney kirkuk
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
242 Dîtin
sebzey esmerî .. sebzey esmerî ..
delîley serřem, sebzey esmerî ..
kiławçey ferqit zeřbafit zeřî
keç kerden çun tac ciqey qeyserî
zincîrey kiłaf mîşkîn ’enberî
serda ne sedrî sîney meřmeřî
çetir pay çînş perçem çemberî
sefdan da’îrey qurs qemerî
cebîn cam bezim cemşîd gusterî
piřtew bexiş nûr e’may beserî
seyfeyn ebroş sya cewherî
buřřater ne seyf bazûy ḧeyderî
ne bîm mewday mujey neşterî
ne «lamsas»en dił çun «samrî»
’eyn ẍezaley beř, gona mecmerî
sed qeys çun sen’an ne dîn kerd berî
bînî cedwel kêş manî û azerî
nefes nesîmey seba û seḧerî
fem ẍunçey newřes, leban eḧmerî
dem teng û, deng nerim, řazan şekerî
zinc terẍîb terz tełay esferî
zahîdan be nûr zuhre muşterî
bahuwan bilûr qamet ’er’erî
mem le’il nigîn, şay eskenderî
gerden mîl yex bestey kemerî
zenex ’etir’amêz badey kewserî
naf ẍunçey nergis, xał nîlofeřî
sûrên nuqrey xam, myan laẍîrî
genc ser be muhir, ce sîmîn berî
berî ne efkar her danşiwerî
řîcleyn sîm saf řiştey enwerî
lenceş mer wełed nam kebik derî
xeraman xeram qed sinewberî
gułşah nezaket, humeylay perî
aşûbey, fîtney, şêwey diłberî
serdan şay’eş ne her kîşwerî
«feqêNasnava edebî» dił ne bîm gêsûy ejderî
her řo menoşo sizay seqerî