ایضا تشکی به حضور حضرت غوث الاعظم است
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
271 مشاهده
غەوس گەیلانی .. غەوس گەیلانی ..
قوتب هەر تەریق غەوس گەیلانی
تاج عاریفین، بەحر مەعانی
عیسەوی ئەنفاس مووسای عیمرانی
مەقەڕڕ و مەرکەز دائیرەی دەوران
تەییار قودسی ئەقدەم جە ئەقران
نەتیجەی سەیید قورەیشی نەسەب
ڕەهنومای حەقیق «محیی الدینشخص» لەقەب
حوججەت حەققەن جە ئایەی قەدیم
پەرێ ئەولیا نییەن عیجز و بیم
چون جەددت حەبیب زات ئیلاهەن
شافیی موزنیبان پشت و پەناهەن
دەستم دامانت سوڵتان ئەقتاب
نیسیانم نەکەی نە «يوم الحسابعربی»
نە حین حوزوور «ختم المرسلينعربی»
بکەر شەفاعەت کەلب کەمتەرین
جە قاپیی ئەعلات ئێدمەن مەتلووب
بە کەمترین کەلب عالیت بام مەحسووب
دەمێوەن جە دەرد سەدەمەی دنیا
دەورم دا بێ سوود عومرم کەرد تەبا
ئیستە دڵ مەئیووس هەر عەمرو زەیدەن
ئەعزام نە زەنجیر مەسائیب قەیدەن
هەم نەجاتم دەر جەی بەند بەڵا
هەم مەحسووبم کەر بە کەلب دەرگا
نیاز «فەقێتخلص» ئێدەن جە دەرگات
نە بورج دارەین بدەریش نەجات