این «قید زنجیر» از بغداد در حبسخانه‌ی اوچ قلعه گفته
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
423 مشاهده
قەید زنجیرم .. قەید زنجیرم
یا شا نە قەلعە قەید زنجیرم
دەمێوەن مەقهوور قەهر موشیرم
چەمەڕای هیممەت شای خەیبەر گیرم
***
سەرخێڵ ئەقوام مەینەت کێشانم
مەحرووم دیدار قەوم و خوێشانم
بە واتەی ئەقران حاڵ پەرێشانم
سەبس جەریدەی دروون ڕێشانم
بەرشییەن جە دەست ڕوتبەی سەریرم
چەمەڕای هیممەت شای خەیبەر گیرم
***
سەراپای ئەعزام زەلیل ڕەوقەن
دڵ مات و مەلوول، بەری نە شەوقەن
پا بەند زنجیر، گەردەنم تەوقەن
فەرش مەزەللەم نە تەحت و فەوقەن
«دائم الاوقاتعربی» فیکرەن تەحریرم
چەمەڕای هیممەت شای خەیبەر گیرم
زیڕەی مۆسیقای کەڕەنا و ناقووس
تار کەردەن دیدەم چون چۆی عەبەنووس
یا ڕەبی پەردەی نەنگ چەنی نامووس
نە عوشرەت و عەیش مەندەنان مەئیووس
نە قەید سیجن خان و وەزیرم
چەمەڕای هیممەت شای خەیبەر گیرم
***
یا حەق بە حورمەت شای «خير البشرعربی»
بە شەرافەت نوور عەشرەی موبەششەر
بەشق ئەو ئیسم جە ئیسنا عەشەر
بدەر نەجاتم نەی بەحر بێ دەر
«فەقێتخلص»م، فوقەرای مەولای فەقیرم
چەمەڕای هیممەت شای خەیبەر گیرم