این «قید زنجیر» از بغداد در حبسخانه‌ی اوچ قلعه گفته
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
259 بینین
قەید زنجیرم .. قەید زنجیرم
یا شا نە قەلعە قەید زنجیرم
دەمێوەن مەقهوور قەهر موشیرم
چەمەڕای هیممەت شای خەیبەر گیرم
***
سەرخێڵ ئەقوام مەینەت کێشانم
مەحرووم دیدار قەوم و خوێشانم
بە واتەی ئەقران حاڵ پەرێشانم
سەبس جەریدەی دروون ڕێشانم
بەرشییەن جە دەست ڕوتبەی سەریرم
چەمەڕای هیممەت شای خەیبەر گیرم
***
سەراپای ئەعزام زەلیل ڕەوقەن
دڵ مات و مەلوول، بەری نە شەوقەن
پا بەند زنجیر، گەردەنم تەوقەن
فەرش مەزەللەم نە تەحت و فەوقەن
«دائم الاوقاتعەرەبی» فیکرەن تەحریرم
چەمەڕای هیممەت شای خەیبەر گیرم
زیڕەی مۆسیقای کەڕەنا و ناقووس
تار کەردەن دیدەم چون چۆی عەبەنووس
یا ڕەبی پەردەی نەنگ چەنی نامووس
نە عوشرەت و عەیش مەندەنان مەئیووس
نە قەید سیجن خان و وەزیرم
چەمەڕای هیممەت شای خەیبەر گیرم
***
یا حەق بە حورمەت شای «خير البشرعەرەبی»
بە شەرافەت نوور عەشرەی موبەششەر
بەشق ئەو ئیسم جە ئیسنا عەشەر
بدەر نەجاتم نەی بەحر بێ دەر
«فەقێناسناوی ئەدەبی»م، فوقەرای مەولای فەقیرم
چەمەڕای هیممەت شای خەیبەر گیرم