ayn «qîd zincîr» az biẍdad dir ḧibsixaney awiç qil’ih giftih
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
266 Dîtin
qeyd zincîrim .. qeyd zincîrim
ya şa ne qel’e qeyd zincîrim
demêwen meqhûr qehir muşîrim
çemeřay hîmmet şay xeyber gîrim
***
serxêł eqwam meynet kêşanim
meḧrûm dîdar qewm û xwêşanim
be watey eqran ḧał perêşanim
sebis cerîdey dirûn řêşanim
berşîyen ce dest řutbey serîrim
çemeřay hîmmet şay xeyber gîrim
***
serapay e’zam zelîl řewqen
dił mat û melûl, berî ne şewqen
pa bend zincîr, gerdenim tewqen
ferş mezellem ne teḧit û fewqen
«da’im alawqatErebî» fîkiren teḧrîrim
çemeřay hîmmet şay xeyber gîrim
zîřey mosîqay keřena û naqûs
tar kerden dîdem çun çoy ’ebenûs
ya řebî perdey neng çenî namûs
ne ’uşret û ’eyş mendenan me’yûs
ne qeyd sîcin xan û wezîrim
çemeřay hîmmet şay xeyber gîrim
***
ya ḧeq be ḧurmet şay «xîr albişirErebî»
be şerafet nûr ’eşrey mubeşşer
beşq ew îsim ce îsna ’eşer
bider necatim ney beḧir bê der
«feqêNasnava edebî»m, fuqeray mewlay feqîrim
çemeřay hîmmet şay xeyber gîrim