گفتار در شفاعت حضرت رسالت پناهی بار سوم
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
5 دقیقه
424 مشاهده
دەروێش نە تەرتیب مەشغەلەی جینان
شەفاعەی کوبرای نەبیت کەرد نیسیان
سا چون موحەممەد «عليه الصلاةعربی»
بەو جەلال و قەدر ڕوو کەرد نە جەننات
نائیل بی بە فەیز وەعدەگای مەعبوود
جولووس بی نە تەخت مەقام مەحموود
فەوج فریشتان، جۆق جۆق و سەف سەف
مەیان بە تەبریک شای عالی ڕەفڕەف
یەک زەمان جە بەین مەویەرۆ تەکمیل
مەیۆ بە تەبریک «أخی جبرئيلعربی»
هەم جە زات حەق حەییی «لا ينامعربی»
پەرێش ماوەرۆ پەیغام و سەلام
نەبی پەی تەعزیم سەلام و پەیغام
نە جولووس تەخت مەکەرۆ قیام
دوو نوور نە یەک تەخت نوور مەبان جەلیس
بە لەهجەی ئولفەت مەگێران ئەنیس
سوئال مەکۆ جێش جەودەم موستەفا
جە حاڵ ئوممەت پێم بدەر ئاگا
ئوممەتم خوڕڕەم قیتعەی نەعیمەن،
یا خۆ نە جەزای نار جەحیمەن؟!
عەرز مەکۆ نە ڕووی شەمس ڕیسالەت
ئوممەتت ئەکسەر باقین نە جەننەت
ئەمما نە قیتعەی ئەووەڵ چەند گرۆن
سیماشان تەرتیب ئوممەتان تۆن
ئەعزاشان «بالكلعربی» جە کوورەی نارەن
ویرد و نیداشان هەر «ياغفارعربی»ەن
مەیۆ بە ڕەشحە موحەممەد نەو جا
چون بەرق لامیع مەیۆ بە سەحرا
بە ئەمرش نەودەم یارانش تەمام
مەیان بە میقات «كلاًعربی» نە قیام
جە دمای ئەسحاب فیرقەی شوهەدا
عولەمای عادیل، ئەولیای کوبرا
موخلیسان حەق، سادیقان ڕا
هەر یەک نە قیام مەکەن تەمەننا
بە ئەمر یەزدان عەلیم و خەللاق
جیبرەئیل، نە پەی با تاج و بوراق
ڕوو مەدۆ نە خاک حەزرەت ڕەسوول
عەرز مەکۆ یا ڕەب مەر ئێد بێ مەئموول
بە ئیرادەی تۆ «خير الغافرينعربی»
من بیم بە شەفیع کولل موزنیبین
نە حوزوور وێت زات «ذوالجليلعربی»
من کەردی پەی عەفو ئوممەت بە کەفیل
هەم وەعدەی تۆ حەق، هەم عەبدت موحیق
ئێدەن ئومێدم نە عام کەی تەحقیق
خاسسەی زات تۆن «علّام الغيوبعربی»
عەفوی ئوممەتم جە قەید زونووب
یا ڕەببی ڕازیم ئەسحاب کیبار
نە جای موزنیبان بسۆزی بە نار
چار یار گوزین عەممەین کیرام
حەسەن و حوسەین، ئەهل بەیت تەمام
جوملەشان جە نار دۆزەخ کەر موقیم
بەو شەرت موزنیبان ئوممەت کەی تەسلیم
جە دنیای فانی لوتفت کەرد عەتا
حەققمەن یا حەق شەفاعەی کوبرا
جە عەرش نوزوول کەرد هاتیف جە ڕەقیب
حەقق وێم بەخشام بە تۆ یا حەبیب
کەردش سوجدەی شوکر دەردەم موستەفا
عەرز کەرد نە حوزوور زات شەهەنشا
حەق تۆ جە عەبد هیچ نەدارۆ پەی
خاسسەی تۆن عیباد جەو حەق ئازاد کەی
تۆ ها شەئن وێت ئاوەردی بە جا،
شەئن من چێشەن پەی من کەر ئەدا
نوزوول مەکۆ سەوت جە عەرش ئەعلا
مەر یا موحەممەد تۆم نەکەرد ئاگا؟!
ئایەی قەدیمەی پەی تۆم کەرد ڕەوان
پڕ مەکەم دۆزەخ نە ئینس و نە جان
عەرز مەکۆ یا ڕەب جە کوفر موشریک
چ نەقس دارۆ موئمین کەی تەریک؟!
سادیر مەبۆ ئەمر زات «لا يخافعربی»
حوقووق عیباد چون مەبۆ ئیخلاف
عەرز مەکۆ یا ڕەب ئەر داری موراد
قاپیی خەزانەی ڕەحمەت کەر گوشاد
هەم مەتڵووب مەسروور، هەم تالیب غەنی
هەم پەی ئێمە هەن خەیلێ خورسەنی
سادر کەرد فەرمان شەهەنشای دارا
دۆ حیسسەی ئوممەت تۆ جە هەر خەتا
عەفوم کەرد جوملە نە جینن و جە ناس
بە ئەلتاف وێم جە نار بان خەلاس
هەم بە لوتف وێم سینف ئەخیرە
ئازاد بان جە زەنب کردەی کەبیرە
دمای سوجدەی شوکر ڕەسوول سەروەر
عەرز مەکۆ بەی لوتف من بیم موفتەخەر
ئەمما بەندەگان خاسسان ئوممەت
جوملە مەوجوودەن پەرێ شەفاعەت
نیازم ئێدەن شای ئیحسان پەنا
نەبان خەجاڵەت جە دەرگای عوزما
سادر مەبۆ ئەمر جە زات قودرەت:
ها پەی شەفاعەت عەتام کەرد ڕوخسەت
موحەممەد ئاما، نیدا کەرد ئەسحاب،
فەرماش مەئزوونەن جە زات وەههاب
جەودما ئەسحاب کیبار سەراسەر
هەر یەک حاڵ وێش مەدۆ نە دەفتەر
جە دەرگای قودرەت «عزيز الغفارعربی»
مەکەن شەفاعەت بەندەی گونەهکار
جە دمای ئەوان وەلی و شوهەدا
با موجتەهیدین، سینف عولەما
جە دمای ئەوان خاسسەی تابیعین
مەکەن شەفاعەی ئوممەت بە یەقین
جە دمای خاسسان نە هەر کەم و بێش
مەکەران ڕجا پەی ئەحباب وێش
«حسب الاراده»ی «عظيم الغفرانعربی»
جیبرەئیل جە حەق ماوەرۆ فەرمان
عەرز مەکۆ نە ڕووی نەبییی موختار
قەبووڵ بی ڕجای ئوممەت بە یەک بار
ئەوسا موحەممەد بە خاتر گوشاد
میهمیز دا بوراق دەوەندەی چون یاد
جیبرەئیل چەنی «سيد المرسلعربی»
نەکەردن ئارام تا قیتعەی ئەووەڵ
جوبرەئیل فەرمان زات موستەعان
مەکەرۆ تەفهیم زومرەی خازینان
خازینان جوملە مەکەران نوزوول
مەدەن بەشارەت جە ئامای ڕەسوول
جەودما ئوممەت نەبیی موختار
کول نە جەزای نار مەبان ڕستگار
«كلاًعربی» مەنۆشان جە بادەی کەوسەر
دەردەم ئەعزاشان مەبۆ مونەووەر
جوملە شادمان بە قوسوور و حوور
مەکەن حەمد حەق بە عەیش و سوروور
بەشق زات وێت «واجب الوجوبعربی»
ئیمە بە ئوممەت نەجا کەی مەحسووب
قاپیی خەزانەی ڕەحمەت کەر گوشاد
جە «يوم المحشرعربی» عەبدت کەر ئازاد
نە حاڵ حەیات «عظيم الغفرانعربی»
بە ئەڵتاف وێت عەتا کەر ئیمان
عەبد زەعیفت زەلیل و خوارەن
پەنای ئیلتیجاش پەروەردگارەن
عوزمای نیازم ئێدەن یا ڕەببی
شادم کەی بە لوتف شەفاعەی نەبی
باب شەفاعەت یاوا بە خیتام
بەر موحەممەد بۆ سەلات و سەلام