عرض حال مؤلف الکتاب به روضه‌ی معطره‌ی نبوت پناهی
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
510 مشاهده
بە ڕەوزەی ئەتهەر خواجای کائینات
«اكمل السلام، افضل الصلاةعربی»
بەو پایەی سەریر سەرخیتتەی «لولاكعربی»
شەهەنشای ئەورەنگ «و ما ارسلناكعربی»
بەو هەودەج نشین تۆی «قاب قوسينعربی»
مەلجەگای عالەم جە هەر زەین و شەین
تەعزیم عوزمات دارۆ نیهایەت
مەندەنان حەیران جە دەریای خەجڵەت
نەفس ئەممارەم نە جورم و خەتا
سەردان سەدەمەش بە جای ئینتیها
کەردم ئیرتیکاب نە هەر نەواهی
فیعلم نە ئیحسان نەکەرد ئاگاهی
ئەمما من جە باب مەرحەمەت مەزهەر
جەسارەت ئێدەن جەی عەبد ئەحقەر
زومرەی نیازمەند جە زوشت و زێبا
کەس نەبیەن مەئیووس عەتەبەی عەتا
بەو ئاهـ حەسرەت سینەی پڕ مەلال
نە دەست خەجڵەت داروون عەرز حاڵ
عەرزەی نیازم جەو باب عوزما
ئێدەن جە دەرگای ڕیسالەت پەنا
چون ڕۆح ئەقدەس تۆم کەردەن پەنا
پەنام دان بە وەعد شەفاعەی کوبرا
جە سەحرای مەحشەر من مەکەر نیسیان
بدەر نەجاتم جەی بەحر عیسیان
دەروێشتخلص بە دەرگات کەردەن دەخاڵەت
عەتا کەر نەجات نە هەر زەلالەت
تەقدیم عەرزم بەو لامیعەی نوور
داروون تەمەننا جە «رب الغفورعربی»