عرض حال مؤلف الکتاب به روضه‌ی معطره‌ی نبوت پناهی
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
327 بینین
بە ڕەوزەی ئەتهەر خواجای کائینات
«اكمل السلام، افضل الصلاةعەرەبی»
بەو پایەی سەریر سەرخیتتەی «لولاكعەرەبی»
شەهەنشای ئەورەنگ «و ما ارسلناكعەرەبی»
بەو هەودەج نشین تۆی «قاب قوسينعەرەبی»
مەلجەگای عالەم جە هەر زەین و شەین
تەعزیم عوزمات دارۆ نیهایەت
مەندەنان حەیران جە دەریای خەجڵەت
نەفس ئەممارەم نە جورم و خەتا
سەردان سەدەمەش بە جای ئینتیها
کەردم ئیرتیکاب نە هەر نەواهی
فیعلم نە ئیحسان نەکەرد ئاگاهی
ئەمما من جە باب مەرحەمەت مەزهەر
جەسارەت ئێدەن جەی عەبد ئەحقەر
زومرەی نیازمەند جە زوشت و زێبا
کەس نەبیەن مەئیووس عەتەبەی عەتا
بەو ئاهـ حەسرەت سینەی پڕ مەلال
نە دەست خەجڵەت داروون عەرز حاڵ
عەرزەی نیازم جەو باب عوزما
ئێدەن جە دەرگای ڕیسالەت پەنا
چون ڕۆح ئەقدەس تۆم کەردەن پەنا
پەنام دان بە وەعد شەفاعەی کوبرا
جە سەحرای مەحشەر من مەکەر نیسیان
بدەر نەجاتم جەی بەحر عیسیان
دەروێشناسناوی ئەدەبی بە دەرگات کەردەن دەخاڵەت
عەتا کەر نەجات نە هەر زەلالەت
تەقدیم عەرزم بەو لامیعەی نوور
داروون تەمەننا جە «رب الغفورعەرەبی»