ترجمه‌ی حدیث نبوی ﷺ
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
549 مشاهده
مەنقوولەن حەدیس نەبییی ئەبرار
ڕاوی جە ڕاوی ئاوەردەن ئەخبار
یەک ڕۆ موحەممەد «عليه السلامعربی»
جەم بین جە دەورش سەحابەی کیرام
ئەو لامیعەی نوور جە سەدر مینبەر
بە ناتیقەی نوتق مەبەخشا گەوهەر
تووتی بی بەحر عیلم سوبحانی
شەککەر ئەفشان کەرد بە خوتبە خوانی
موخبیر بی نە ڕەمز ڕەزای ئیلاهی
مەئموور بی بە ئەمر ئەمر و نەواهی
حازیق بی نە حوکم خیتامەت پەنا
پەی عیللەی زونووب هەشت مەعجوون سازا
فەرماش قیرائەت قورئان مەکەن فەوت
شیفای ئەعزەمەن پەی سەکەرەی مەوت
بە کەسرەت سەوم «فی سبيل اللهعربی»
تەخفیفەن شیددەت «فزع الكبریعربی»
هەم سەلات لەیل نوورەن جە قوبوور
ئەنیسەن جە قەبر تا بە نەفخ سوور
سەدەقەی دائیم مووجیب ڕەزان
هەم «تزيد العمرعربی»، «تدفع البلاعربی»ن
نوماز زوحا هەر کەس کەرد عادەت
بەرەکەت ڕزق مەبۆ زیادەت
سەحیحەن حەدیس نەبییی ئەمجاد
چون بە سیلەی ڕەحم عومر مەبۆ زیاد
کەسرەت بوکا «من خشية اللهعربی»
حافز نارەن جە یەوم عوقبا
کەلیمەی تەوحید جە نەفی و ئیسبات
سەقیل مەکۆ وەزن کەففەی حەسەنات
سەلات خەمسە «مع الجماعاتعربی»
جەناحەن نە وەقت عوبوور سیرات
های «دەروێشتخلص» بگیر مایەی مەعریفەت
زەڕی پڕ بەها جە قوتووی حیکمەت