ترجمه‌ی حدیث نبوی ﷺ
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
342 بینین
مەنقوولەن حەدیس نەبییی ئەبرار
ڕاوی جە ڕاوی ئاوەردەن ئەخبار
یەک ڕۆ موحەممەد «عليه السلامعەرەبی»
جەم بین جە دەورش سەحابەی کیرام
ئەو لامیعەی نوور جە سەدر مینبەر
بە ناتیقەی نوتق مەبەخشا گەوهەر
تووتی بی بەحر عیلم سوبحانی
شەککەر ئەفشان کەرد بە خوتبە خوانی
موخبیر بی نە ڕەمز ڕەزای ئیلاهی
مەئموور بی بە ئەمر ئەمر و نەواهی
حازیق بی نە حوکم خیتامەت پەنا
پەی عیللەی زونووب هەشت مەعجوون سازا
فەرماش قیرائەت قورئان مەکەن فەوت
شیفای ئەعزەمەن پەی سەکەرەی مەوت
بە کەسرەت سەوم «فی سبيل اللهعەرەبی»
تەخفیفەن شیددەت «فزع الكبریعەرەبی»
هەم سەلات لەیل نوورەن جە قوبوور
ئەنیسەن جە قەبر تا بە نەفخ سوور
سەدەقەی دائیم مووجیب ڕەزان
هەم «تزيد العمرعەرەبی»، «تدفع البلاعەرەبی»ن
نوماز زوحا هەر کەس کەرد عادەت
بەرەکەت ڕزق مەبۆ زیادەت
سەحیحەن حەدیس نەبییی ئەمجاد
چون بە سیلەی ڕەحم عومر مەبۆ زیاد
کەسرەت بوکا «من خشية اللهعەرەبی»
حافز نارەن جە یەوم عوقبا
کەلیمەی تەوحید جە نەفی و ئیسبات
سەقیل مەکۆ وەزن کەففەی حەسەنات
سەلات خەمسە «مع الجماعاتعەرەبی»
جەناحەن نە وەقت عوبوور سیرات
های «دەروێشناسناوی ئەدەبی» بگیر مایەی مەعریفەت
زەڕی پڕ بەها جە قوتووی حیکمەت