غەزەلی دووەم
از کتاب:
دیوانی خادیم (بەرگی ٢)
اثر:
خادم (1895-1953)
2 دقیقه
493 مشاهده
سروەی بەهارەن، سروەی بەهارەن
وادەی گوڵشەنن گوڵ و گوڵزارەن
مەششانەی سەبا یاوە وە گوڵشەن
پەی نەوعرووسان گوڵزار و چەمەن
پەی زولفی سونبول شانە گەر مەبۆ
پەی ڕوخساری گوڵ جەلا گەر مەبۆ
شەمعەن پەروانەن گوڵەن بولبولەن
مەجلیس ئارایش وە جامی مولەن
نەرگیس پیاڵەیی مەی وە بانی سەر
وێنەی سوراحی وەبان تەشتی زەر
هوریزا وە پا پەی نەغمە خوانی
بولبول لەسەر چڵ مەرسییە خوانی
مەوانۆ ئەشعار جە عەشقی یارەن
عەیشەن شادییەن جە ڕووی گوڵزارەن
تەواسام جە دوور مەحبووبەکەی وێم
ئاهیر مەشۆ لام جە هەناسەی وێم
هەر کەس جە عەیشەن جه ڕووی یار و وێش
قەزات وە گیانم ئەی دووریت پەی چێش
دڵ قەقنەس ئاسا، سووتا جە دووریت
تاقەت تاق بییەن پەی نیممتن نامشخص حزووریت
دوور جە قامەتت قیامەت ئامان
دووریت شەرارەی دۆزەخ و نیرانمتن نامشخص
کڕەی هەناسەم جە دەم بەر مەشۆ
ئەشکم خوێنینە جە هیجرانی تۆ
سا باوەر تەشریف ئەی نووری دیدەم
وەی دیدە جوز تۆ کەسێ نەدیدەم
ساوەرە ساتی جا کەر وە یانەم
تەعمیر کە یانەی سەد جار وێرانەم
خاڵی جە ئەغیار جێ شاهانەتەن
«خادیمتخلص»، خادیمی ئەی ئاستانەتەن