غەزەلی سێیەم
از کتاب:
دیوانی خادیم (بەرگی ٢)
اثر:
خادم (1895-1953)
1 دقیقه
331 مشاهده
ئەشکم جارییەن دەروونم کەیلەن
دیواری شادیم وێران وەسەیلەن
جەژنی قوربانن دڵم شاد کەرۆ
بنێ وەی گەردەن شمشێری ئەبرۆ
منەووەل مەبۆ شەوی هیجرانت
موختەسەر وا نام زوڵمی زولفانت
ماهی نەو مانۆ جە بورجی عەقرەب
ئەگریجەت پەخشن جە سەر ڕووی غەبغەب
سەبا مەکیانۆ عەرزەی حاڵی زار
جوداییم شەرحەن جە ڕوویی دڵدار
قیبلەم عەرزەی ویم ساتێ مەوانۆ
مەرهەم پەی زامی جگەر مەکیانۆ
عەرزەم شاهیدن جە ئیشتیاقت
تاقەت تاق بییەن پەی ئەبرۆی تاقت
لەو ساوە چەپگەرد پەی دووری باڵات
شانامتن نامشخص مۆرەی نەرد شای شادیمەن مات
لەو ساوە «خادیمتخلص» یانەش دوجەیلەن
فوغان و زاریش جە دووری لەیلەن