ẍezelî duwem
From the Book:
Dîwanî Xadim
By:
Khadem (1895-1953)
2 minutes
341 views
sirwey beharen, sirwey beharen
wadey gułşenin guł û gułzaren
meşşaney seba yawe we gułşen
pey new’irûsan gułzar û çemen
pey zulfî sunbul şane ger mebo
pey řuxsarî guł cela ger mebo
şem’en perwanen gułen bulbulen
meclîs arayş we camî mulen
nergîs pyałeyî mey we banî ser
wêney suraḧî weban teştî zer
hurîza we pa pey neẍme xwanî
bulbul leser çił mersîye xwanî
mewano eş’ar ce ’eşqî yaren
’eyşen şadîyen ce řûy gułzaren
tewasam ce dûr meḧbûbekey wêm
ahîr meşo lam ce henasey wêm
her kes ce ’eyşen cih řûy yar û wêş
qezat we gyanim ey dûrît pey çêş
dił qeqnes asa, sûta ce dûrît
taqet taq bîyen pey nîmMissing ḧizûrît
dûr ce qametit qyamet aman
dûrît şerarey dozex û nîranMissing
kiřey henasem ce dem ber meşo
eşkim xwênîne ce hîcranî to
sa bawer teşrîf ey nûrî dîdem
wey dîde cuz to kesê nedîdem
sawere satî ca ker we yanem
te’mîr ke yaney sed car wêranem
xałî ce eẍyar cê şahaneten
«xadîmPen name», xadîmî ey astaneten