ẍezelî yekem
From the Book:
Dîwanî Xadim
By:
Khadem (1895-1953)
2 minutes
346 views
qîblem řuxsarit, qîblem řuxsarit
secdegahmin gonay ’uzarit
epirsin eger ce ḧałî derdim
satê ce daxî dûrî wêt mirdim
her wêm mezanom çenî derdî wêm
wexten çun qeqnes ahîr bişolêm
şew ce fîraqit girîmen we zar
yexem dadřîn ce ser ta be war
ce dûrît mirdim, gyanim fîdat bo
sed mecnûn çun wîm sergerdey řat bo
diłşad ger ce wesił řoḧî řewanim
gunahim çêşen qezat we gyanim
zemîn ce her ca we nim teř mebo
wek mecnûn weḧşî ce dewrim mebo
zewî gişt yaney giryanî minin
ane gişt komey dîwanî minin
qisem yey tuřřey mîşkînî çînit
bey egrîcey xaw çîn weban çînit
bey gonay gułnar bey zenx zerdit
bey gerdenî saf, mînay bê gerdit
fîdat mekerom gyanî şîrînim
merhem mekyano welay birînim
hemřazî derdimî û biray xasmî
řefîqî çoł gerd ḧeqşunasmî
eykate hengam fesłî beharen
hengamey guł geşt guł û gułzaren
her kes întîzar dîdarî yaren
’eyşin şadîyen gułn gułzaren
ẍerîbim řeḧmê miskîn û hejar
yanem xałîyen ce cîlwey diłdar
ẍerîb diłnazk çun peřey gułn
ẍerîb řencanin fire muşkîln
awe we yanem fîdat bo gyanim
me’mûr ke satê yaney wêranem
’alem ce nałem şewan nesrewtin
’eceb ce dûrît «xadîmPen name» nemirdin