غەزەلی یەکەم
لە کتێبی:
دیوانی خادیم (بەرگی ٢)
بەرهەمی:
خادیم (1895-1953)
2 خولەک
499 بینین
قیبلەم ڕوخسارت، قیبلەم ڕوخسارت
سەجدەگاهمن گۆنای عوزارت
ئەپرسن ئەگەر جە حاڵی دەردم
ساتێ جە داخی دووری وێت مردم
هەر وێم مەزانۆم چەنی دەردی وێم
وەختەن چون قەقنەس ئاهیر بشۆلێم
شەو جە فیراقت گریمەن وە زار
یەخەم دادڕین جە سەر تا بە وار
جە دووریت مردم، گیانم فیدات بۆ
سەد مەجنوون چون ویم سەرگەردەی ڕات بۆ
دڵشاد گەر جە وەسڵ ڕۆحی ڕەوانم
گوناهم چێشەن قەزات وە گیانم
زەمین جە هەر جا وە نم تەڕ مەبۆ
وەک مەجنوون وەحشی جە دەورم مەبۆ
زەوی گشت یانەی گریانی منن
ئانە گشت کۆمەی دیوانی منن
قسەم یەی توڕڕەی میشکینی چینت
بەی ئەگریجەی خاو چین وەبان چینت
بەی گۆنای گوڵنار بەی زەنخ زەردت
بەی گەردەنی ساف، مینای بێ گەردت
فیدات مەکەرۆم گیانی شیرینم
مەرهەم مەکیانۆ وەلای برینم
هەمڕازی دەردمی و برای خاسمی
ڕەفیقی چۆڵ گەرد حەقشوناسمی
ئەیکاتە هەنگام فەسڵی بەهارەن
هەنگامەی گوڵ گەشت گوڵ و گوڵزارەن
هەر کەس ئینتیزار دیداری یارەن
عەیشن شادییەن گوڵن گوڵزارەن
غەریبم ڕەحمێ مسکین و هەژار
یانەم خاڵییەن جە جیلوەی دڵدار
غەریب دڵنازک چون پەڕەی گوڵن
غەریب ڕەنجانن فرە موشکیلن
ئاوە وە یانەم فیدات بۆ گیانم
مەعموور کە ساتێ یانەی وێرانەم
عالەم جە ناڵەم شەوان نەسرەوتن
عەجەب جە دووریت «خادیمناسناوی ئەدەبی» نەمردن