چاکیری خاسسەتە دڵ، خوسرەوی شیرین دەهەنان
از کتاب:
دیوانی سالم
اثر:
سالم (1800-1866)
1 دقیقه
404 مشاهده
چاکیری خاسسەتە دڵ، خوسرەوی شیرین دەهەنان
لە سیفەت وەسف و ڕوخت، لەم ڕەهە شاپوورە مەگەر
جورمی کونجوشکی نییە جان لە ڕەهی شاهی عیشق
دڵ لە چنگ بازی غەمت، قاڵبی عوسفوورە مەگەر
یەکەتازە لە فەلەک ماهیی دوو هەفتە بە من
دولبەری شەمس لیقا، لەم شەوە مەستوورە مەگەر
ئەوجی حوسنت لە ڕوخ و زوڵف و جەبین و ئەبرۆ
لە هەموو میهر و هیلال، شەوی دەیجوورە مەگەر
بەرقە بۆ خەرمەنی عاشق، بە یەقین جەور و جەفات
سەروی میهرت لە دڵا، داروویی کافوورە مەگەر
کە بە حاڵ جیلوە ئەکات، شێوەیی حەق، ئەیمەن نیم
پەرتەوی نوورە وەیا شەعشەعەیی توورە مەگەر
سینە وا بوو بە هەدەف بۆ نیگەهی تیری موژەت
دڵی سالمتخلص لە نیگەهـ خانەیی زەمبوورە مەگەر