گۆڤاری ئاوێنە
از کتاب:
کاروانی خەیاڵ
اثر:
هیدی (1927-2016)
1 دقیقه
625 مشاهده
دڵ بە دەردانەوە پڕ لە خوێنە
خەم هەیە بیر و خەیاڵ شێوێنە
دەست بخە دەستم ئەگەر دۆستی منی
هەستێ بنوێنە، خەیاڵێ بێنە
لە وتەی بەرز و بەپێز و ناسک
چیت لە دڵدا هەیە، بیدرکێنە
وەرە ناو کۆڕی وتووێژی من
فۆلکلۆر بێنە، مەتەڵ داهێنە
بیکە هاوار و بە دەنگێکی بە قەو
کێ لە خەودایە هەڵیئەستێنە
زێڕ و زێو هەر یەکە نرخێکی هەیە
تۆ کە گەنجت هەیە، مەیفەوتێنە
نەمدی دامێنێ لە ڕووی جوان و دزێو
وێنە ناگۆڕێ لە کەس «ئاوێنە»