ئاوازی دەب دەب
از کتاب:
پاشمەرگەی قانع
اثر:
قانع (1898-1965)
1 دقیقه
932 مشاهده
دوێنێ دەروێشێ وتی: کەف بە کەف و دەف بە تەرەب
دەبە دەب دەب، دەبە دەب دەب، دەبە دەب
وتم ئەی ئەحمەقی ئاشوفتە! وەتەن چۆڵە؛ وتی:
دەبە دەب دەب، دەبە دەب دەب، دەبە دەب
هەچی هەوڵم لەگەڵ ئەو بەچکەسەگا دا، ئەیوت:
دەبە دەب دەب، دەبە دەب دەب، دەبە دەب
وتم وا چاکە لە فکری خۆیەوە بۆی دەربێم
بە مرووری گەلێ ئەییام لەناو بەم دەبە دەب
دەفم هەڵگرت و بە حەی حەی دەسی شێخم ماچ کرد
وتم لێدەن بە عموومی لە مەقامی دەبە دەب
من و شێخ و ژن و دەروێش هەموو تێکەڵ بووین
شێخ لە فکری ڕەپی سووری، من و دەروێش دەبە دەب
قانعاتخلص بەسیە، موحەققەق بە دووسەد وەک من و تۆ
تەرک ناکەن بە یەکێ بەزم و مەقامی دەبە دەب